من أصول لبنانية ووالدها مات في "الحرب الأهلية" .. 10 حكايات عن النجمة ميرنا وليد

فى حوار حصري وخاص لـ "خليج نيوز" تتحدث النجمة ميرنا وليد عن حكايات مجهولة فى حياتها، وتكشف سراء بذاع لأول مرة عن جنسيتها، وكيف مات والدها فى الحرب الأهلية فى لبنان فى ثمانينات القرن الماضي. 

طفلة تدرس فى بلد يعانى حرب أهلية  

ميرنا لبنانية الأصل مولودة لأب وأم لبنانية وكانت عايشة فى مدينة طرابلس اللبنانية، وهى طفلة صغيرة لما أهلها قرروا يلحقوها بالمدرسة كانت لبنان فى الوقت ده بتعيش أجواء الحرب الأهلية فى ثمانينات القرن الماضي، وكان فيه خطورة على حياة الطلاب فى ذهابهم وعودتهم للمدرسة وعشان كده امها وافقت على الحاقها بمدرسة راهبات داخلى وكانت بتقضى السنة كلها فى المدرسة وبتروح لبيتهم أيام قليلة جدا.

مشاهد صعبة على هامش الدراسة

بتقول فى المرحلة دي شافت مشاهد صعبة جدا مش قادرة تسقط من ذاكرتها لأن جثث القتلى فى الحرب الأهلية كانت ماليه الشوارع فى الوقت ده وكل الأسر تقريبا كان عندها أسلحة فى بيوتها وبتقول انها كانت بتكون مرعوبة لما بتشوف السلاح والناس الميتة فى الشارع

أبوها مات برصاصة فى الحرب الأهلية

والد ميرنا مات وهى عندها 4 سنين قبل التحاقها بالدراسة ، ومات فى أحداث الحرب الأهلية برصاصة أصبته خلال عودته الى بيته بعد زيارة صديقه المريض

أخ وحيد يدرس فى مدرسة أخرى

ميرنا كان ليها أخ وحيد بس مكنوش مع بعض فى نفس المدرسة هى كانت فى مدرسة بنات وهو فى مدرسة أولاد ، وكانت بتشوفوا فى الفترة دي بسلما ترجع فى ايام الأجازة بتاعتها واللى كانت بتكون ايام قليلة جدا لأنها فى مدرسة داخلي

دحيحة مذاكرة

بتقول انها كانت شاطرة جدا وكانت بتحب الدراسة زي عينيها وفى المرحلة الابتدائية كانت دايما بتحصل على شهادات تفوق، فى أغلب المواد اللى بتدرسها لأنها كانت "دحيحة" في المذاكرة

مدرس العربي تنبأ لها بالنجومية فى التمثيل

كانت طول الوقت فى المدرسة الابتدائي بتشارك فى الأنشطة الطلابية وفرقة التمثيل، وفى السن ده مدرس العربي بتاعها تنبأ لها بمستقبل كبير فى التمثيل، وبتقول انها كانت مستغربة جدا لأن بلدها بعيدة خالص عن الفن ومحدش من البلد كان بيمثل

الاعدادية فى مصر

قصة مجيء ميرنا لمصر قصة غريبة شوية ، والدتها كان ليها صديقة هنا فى مصر وجت تزور القاهرة وجابت ميرنا معاها، وميرنا فى الوقت ده كانت بتصحى بدري جدا وتشوف الطلبة الصبح بدري وهما بيركبوا اتوبيسات المدرسة واهلهم بيوصلوهم الصبح ولأنها ما عاشتش الاحاسيس دي فى لبنان، طلبت من والدتها وقعدت تزن عليها انها تدخل مدرسة هنا فى مصر عشان تركب مع زمايلها الباص كل يوم وتعيش اللى ما عرفتش تعيشها فى لبنان وتحت زن منها وضغط من أصدقاء والدتها وافقت وفعلا قدمتلها فى مدرسة راهبات ونقلت حياتها هنا فى مصر

طردوها من المدرسة  بسبب دورها فى "الراعي والنساء"

ميرنا لما علمت دور بطولة فى فيلم "الراعي والنساء" كانت فى الوقت ده فى المرحلة الثانوية بمدرسة الراهبات ، وبعد عرض الفيلم وتحقيقه نجاح كبير كان وجودها فى المدرسة كل يوم عامل أزمة لمديرة المدرسة ، كل طلاب المدرسة كانوا بيروحولها الفصل عشان يشوفوا صورها مع سعاد حسنى واحمد زكي ويسرا ويطلبوا منها تحكيلهم كانوا بيعاملوها اازاى فى الكواليس، لغاية ما فى يوم مديرة المدرسة استعدتها وقالتلها انتى مش هينفع تكملى معانا فى المدرسة وهتاخدى الثانوية منازل

ثانوية من البيت

فى الفترة دي مكنتش تعرف يعنى ايه ادرس من البيت وكانت خايفة جدا انها تفشل فى الحصول على الثانوية خصوصا انها طول عمرها متفوقة بدأت تسأل على نظام المنازل وبدأت تاخد دروس وكانت بتروح الامتحانات بس

أحمد عبدالعزيز هو سبب حصولها الثانوية العامة

وهى فى سنة تالتة ثانوي جالها مسلسل "ذئاب الجبل" وفى الفترة دي أهملت دروسها وكانت مركزة فى المسلسل لغاية ما اكتشفت بالصدفة انه باقى على الامتحان اسبوعين ، ولانها مكنتش مذاكرة كويس قررت ما تدخلش الامتحان لكن لما حكت للفنان أحمد عبدالعزيز قالها لازم تدخلى الامتحان وهتنجحى وفعلا دخلت ونجحت.

الالتحاق بمعهد السينما

بعدانهاء دراستى الثانوية قررت الالتحاق بمعهد التمثيل لأنى حبيت التمثيل وقررت اثقال الموهبة بالدراسة الكاديمية وفى المعهد برضوا كنت دحيحة مذاكرة ومواظبة على الحضور كل يوم والمشاركة فى كافة الأنشطة ومشاهدة أى عمل جديد

الراعي والنساء .. ممثلة بالصدفة

والدتها كانت صديقة لأسرة المخرج على بدرخان وتحديدا زوجته وكانوا بيتبادلوا الزيارات وفى يوم على بدرخان كان معزوم عندهم فى البيت على الغدا وميرنا كانت فى رحلة مدرسية فى الفيوم ولسه راجعة البيت منطلقة ومبسوطة وهى داخلة عليهم فى البيت على بدرخان ركز معاها شوية وبعدين قالها "انتى سلمى"قالتلوا سلمى مين ومكنتش فاهمة انه بيكلمها على دور سلمى فى فيلم "الراعي والنساء".

خدت دور شريهان

فى الوقت ده كان على بدرخان بيدور على بنوتة صغيرة تكون وجه جديد لأداء دور بنت سعاد حسنى فى الفيلم بعد ما سعاد رفضت اسناد الدور لشريهان لأنها كانت خايفة الناس ما تصدقش انها ام لبنت عمرها أكتر من 30 سنة ، وأول ما شاف ميرنا بشقاوتها فى اليوم ده قرر اختيارها للدور.

حلم مقابلة سعاد حسني

ميرنا مكنتش تعرف وقتها يعنى ايه تمثيل كل اللى كان فارق معاها هى هتمثل مع مين ولما عرفت ان الفيلم من بطولة سعاد حسنى كانت اكثر اصرار على نجاحها فى اختبارات الكاميرا وتانى يوم راحت لعلى بدرخان ولقت عنده أحمد زكي.

1000 جنيه أول أجر .. اشترت بيهم لبس للشخصية

بعدها وقعت عقد بطولة الفيلم وخدت أجر 1000 جنيه وعلى بردخان طلب منها تشترى لبس ولاد عشان شخصية البنت عايشة فى الصحراء وابوها كان نفسه فى ولد فلما جت حب يخليها تعيش عيشة الولاد.

حنان ترك وميرنا وليد .. بنت مين اللى هتنجح أكتر.

فى فترة تصوير "الراعي والنساء" كان بيتم تصوير فيلم "رغبة متوحشة" والفيلمين كانوا نفس القصة ووقتها كان فيه معركة كبيرة بين صناع الفيلمين وصلت صفحات الجرائد والمجلات ، وكانت الصحافة بتتسائل يا ترى اى بنت من البنتين اللى هيعملوا شخصية بنت البطلة هتنجح أكتر ميرنا وليد (على بدرخان) و حنان ترك (خيري بشارة)

مفاجأة سعاد حسني

قبل نهاية تصوير الفيلم بيومين سعاد حسنى فاجأتنى وقالتلى تعرفى ان انا كنت رافضة وجودك فى الفيلم وقولت لعلى بدرخان البنت دي هتوقع الفيلم لكنه قالى سشوفيها اول يوم ولو ما عجبتعكش همشيما ولما شفتك اتأكدت ان على اختار البنت الصح

اللهجة المصرية من الأفلام .. وحسن يوسف كان فتى أحلامي

لما جيت مصر مكنش عندي مشكلة فى اللهجة لأنى كنت طول الوقت وانا فى لبنان باتفرج على الافلام والمسلسلات المصرية واكتسبت اللهجة بشكل كبير ، وكنت وانا لسه مراهقة حسن يوسف فتى أحلامي كنت شايفاه الولد الشقى ابو دم خفيف

حبيبي يا عاشق .. دويتو مع مدت صالح

ميرنا طول عمرها كان نفسها تكون مطربة مش مممثلة وليها تجارب غنائية منها أغنية دويتو "حبيبي يا عاشق" من فيلم "شورت وفانلة وكاب" مع مدحت صالح